PRESS RELEASE
NO. 92/2024
SIAHA, 17 Phiata, 2024, Pobienoh – Atanoh dawh 12:00 Noon khata CEM Conference Hall, MADC, Siaha liata Puhpa M. Laikaw, Hon’ble Chief Executive Member, MADC chhihthana ry liata Siaha khichhôh Market liata sa zuana, Essential Commodities chôchâh joint meeting hneipa a châ.
He joint meeting lia heta:
1. Puhpa K. Chhuabei, EM, LAD, MADC.
2. Pihnô Dr. Lalnunziri, Sr. CMO, Siaha.
3. Puhpa Dr. H. Lalzarliana, DVO, AH & Vety, Mizoram, Siaha.
4. Puhpa C. Lalruatkima, Addl. Superintendent of Police, Siaha.
5. Pihnô Nazee Khailah, Sr. RSO, MADC.
6. Pihnô S. Lalmuanpuii, Sr. LAO, MADC.
7. Puhpa Lalnghakliana, Asst. Controller of Legal Metrology, Siaha.
8. Puhpa Dr. Beizakaw Vyhtu, Sr.VO, AH& Vety, MADC.
9. Pihnô Dr. Hc. Joane Mary, VO, AH&Vety, MADC.
10. Puhpa Henry PL. Hnaihly, Sanitation Officer, LAD, MADC.
11. Puhpa Dr. Chawngkhuma Chawngthu, President, Consumers’ Union, Siaha District.
12. Puhpa Thasia T. Azyu, Secretary, Consumers’ Union, Siaha District.
13. Puhpa Pawsa Lava, AITO, MADC.
14. Puhpa B. Mawtha, SI, LAD MADC zy amâ hlao.
Meeting lia heta Siaha khichhôh Market liata sa pathaih leipa zua tyhpa chôchâh reipa châ ta, atahmâ tawhta la soundness certificate hnei leipa ta sa zuah pasaipa châ khao leip’aw ta, ante-mortem chhao concerned department zy ta strict kawpa ta check lymâpa a châ aw, tahpa pathlupa a châ.
Siaha khichhôh lia heta essential commodities expired chiehpa a zuahpa hluh kaw ei ta, he chôchâh liata atanoh ta meeting avaw hlaopa concerned departments nata Siaha District Consumers’ Union zy chhaota strict kawpa ta hmahla achhuahpa a châ.
Essential commodities expired chiehpa zuapa chôchâh lia heta zawpi chhao eimâ hra bâ awpa peimawh kawpa cha, a kheihawhpa daoh lia rai hmo eima chalei chy ta, expiry date eima moh tua lymâ awpa he zawpi maophaohna châ ta, expired chiehpa ama zuah khiatala, concerned departments nata Siaha District Consumers’ Union lâ tlôkhei awpa a châ.
Market liata food items chalei daihti liata expire chiehpa ama zuah nata zuah lei expiry date moh tua lymâ awpa a châ.
Daoh liata hmo na chalei tita MRP (Maximum Retail Price) moh tua lymâ awpa a châ. Ama cha dôvei lei n’awpa ta. Ama cha dôvei khiah, concerned departments nata Siaha District Consumers’ Union lâ tlôkhei lymâ awpa a châ.
District Level Anti Tobacco Committee Squad ry liata sub committee chôchâh chhao reipa châ ta, cigarette byh liata châhnamei pazy pha leizie warning a roh leipa cha daoh liata zuah pasaipa a châleiziezy reipa châ ta, kô 18 ry lâ thyutliapazy hnohta Châhnamei zuah pasai leipa a châzie chhao reipa châ ta, public place liata Châhnamei pazypa he pasai leipa châ ta Rs.200 pa fine sa theipa a châzie chhao reipa a châ hra.
Mawrâh chhôh liata Motor ta hmo phaona mâ a rutu hapa chôchâh chhao reipa châ ta, concerned departments lâ tlôkhei awpa ta pathlupa a châ hra.
Internet (Online) tawhta hmo chaleina kyh liata adôveina a y khiah, Siaha District Consumers’ Union lâ tlôkhei lymâ awpa a châ.
ISSUED BY:
Information & Publicity Department
Mara Autonomous District Council
Siaha.
