SIAHA, 05 Chhiepa, 2023, Hriatuanoh – Târi 03.06.2023 (Saturday) khata Bodoland Guest House, Khanapara, Guwahati (Assam) liata MADC vyuhpa ta Puhpa T. Seido, Executive Member i/c Sports & Youth Services Department, MADC nata Puhpa VT. Martin Vabeiduakhei, Assistant Sports Promotion Officer zy ta Second Inter Sixth Schedule Premier League 2023 chôchâh reipahmaoh awpa ta Meeting amâ hlao.
He meeting lia heta LADC, CADC nata TTAADC (Tripura) reileipa ta cha Northeast India liata ADC vyuhtuapazy ama hlao khai. Second Inter Sixth Schedule Premier League 2023 chôchâh reipahmaohpa châ ta, 2nd ISPL-2023 he Bodoland Territorial Council liata chahâsa awpa ta pathlupa a châ.
MADC vyuhtuapa Puhpa T.Seido, Hon’ble Executive Member i/c Sports, etc. pahruana hawhta he meeting lia heta The Constitution (125th Amendment) Bill, 2019 thlai Pass awpa ta biehneituhpazy lâta thapi phiathlu via awpa nata Cultural Meet for Inter Sixth Schedule Council chôchâhzy chhao reipa a châ hra.
The 2nd ISPL-2023 tlô pakhyna daihti nata hmo hropa pachâ byuhpazy cha Meeting heihpa liata reikhoh heih awpa ta pathlupa a châ.
MADC vyuhtuapa Puhpa T.Seido heta ADC hropa chhithatuhpazy a eih hrâhpa ta apakyhnazy hnei ta, ADC hropazy raihria dâh nata hmahlanazy tawhta MADC ta achu awpa hluhpi eima hneizie a reih hra.
With inputs from:
Information & Publicity Department
Mara Autonomous District Council
Siaha.
