PRESS RELEASE
NO.19/2024
SIAHA, 26 Hmypi 2024, Hriatuanoh – Atanoh dawh 12:00 Noon pa ta Agri. Farmers’ Training Centre, MADC, Siaha liata Fashion Designing Training Closing Function nata Certificate Raina Programme liata Puhpa T. Seido, EM i/c Sports, etc., MADC cha khichhai laipa (chief guest) châpa ta â hmâkhei ei.
Programme he Puhpa VT. Martin Vabeiduakhei, ASPO ta chhihtha ta, Puhpa B. Nôtlia, S&YS Department, MADC ta Abeipa lâta pavaosana devotion daihti â hmâh.
Puhpa T. Seido, EM, MADC chata, “Viarâh liata Chanô pakha cha Phawhpa hri vei ta, anô nah paw ta khoh khao leipa ei ta, Phawhpazy ama yna lâ kaw soh ei ta, Dawhty ta mohôh ei ta, a vaw tlâh tawh chhao hmahta, a nô nata paw kaw pie heih ei ta, a nô nah paw ta vaw khoh khao leipa ei ta, Pheiky tao achu ta, chyhsa hneirôh kawpa a vaw châ haw. A vaw hneirôh tawhta Phawhpa hri aveipazy sôh nah thih lâta thata a bao ei,” tahpa ta a reih.
“Biehrai liata talent pakhona bie liata chyhsa pakha hnohta talent ama piepa papôhsa leipa ta alei liata a pabupa hawhta cha achhuah leipa ta, Khazohpa ta talent miah a piepa papôhsa achhuah ta palôh hnei kawpa nata tiama kawpa ta idea hnei kawna chôta, he fashion designing hlaotloh kawpa ta namâ chu patlôpa tawhta certificate nama daopa he hmâh phahnai ta, hmâhtlâh châ awpa namâ chhuah chyu awpa ta nama tiama lymâ awpa a châ,” tahpa ta khichhai laipa ta a pasyu ei.
Puhpa JH. Beihnai, S&YO, MADC chhaota pasyunabie pha kawpa reina a hnei hra.
Atanoh he Fashion Designing Training Closing Function nata Certificate Raina Programme â hmâna lia heta students 33 zy ta amâ chuna hlaotloh kawpa ta patlôpa ta Certificate ama dao.
Puhpa Thatha Khaimeichhô, Principal, VSE ta vote of thanks reina a hnei khai tawhta Abeipa thlahchhâna (The Lord’s Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
