SIAHA, 13 Khihpa, 2023, Pohbienoh – Atanoh dawh 12:00 Noon khata Puhpa T. Seido, EM i/c Social Welfare, MADC nata a hrialâhpazy ta Grace Children Home, College Vaih, Siaha, Kalvary Healing Home, Siahatlâh, Siaha nata Orphanage Home, Council Vaih, Siaha zy ama tly.
Puhpa T. Seido, EM chata, home a tlypazy ama peimawhpazy mokhei ei ta, baona sôh a pie chyu ei. EM chata, Siaha liata home a ypazy District Council ta a pachâ peimawhzie reih ta, “Nama peimawhpa zydua cha pachâpa khai thei vei hr’aw sih la, eima cha bao theina rakha liata cha bao lymâ awpa eimâ chhuah,” tahpa ta EM ta a reih.
Baona sôh he Grace Children Home, College Vaih, Siaha hnohta Rs. 10,000 pie ta, Kalvary Healing Home, Siahatlâh, Siaha hnohta Rs.6,500 pie ta, Orphanage Home, Council Vaih, Siaha hnohta Rs.7,000 a pie.
Puhpa T. Seido, EM chata, Kalvary Healing Home liata a ypazy hnohta pasyunabie reih ta, “Thyutliapa hluhpi paritheipa sei liata â tâh ta, hrona a pahlei hapa hluhpi ama yna hry ta, nâmo paritheipa â râsai ta, riahpha kawpa ta fight papua achhuah ta, he su nama vaw pangaipa he aly â chhih hmeiseih, paritheipa a râsai pathlah ta fight papua cheingei namâ chhuah chyu awpa ta ei châ haw ei,” tahpa ta a reih.
With inputs from:
Information & Publicity Department
Mara Autonomous District Council
Siaha.
