PRESS RELEASE
NO.113/2024
SIAHA, 19 Phiapi, 2024, Hriaheinoh – Atamy dawh 11:30 AM khata SDFA Tlylia Meisatlâh, Siaha liata Siaha District Football Association (SDFA) pachhuahpanohpa MADC CEM Football Trophy 2024 Opening Ceremony Programme ahmâhpa châ ta, Puhpa S. Lalremthanga, Hon’ble Dy.CEM, MADC cha khichhai laipa (chief guest) châpa ta â hmâkhei ei.
Programme he Puhpa T. Vabeichhuakhu, Sr. Vice President, SDFA ta chhihtha ta, Puhpa Khusa Khaila, Joint Secretary, SDFA ta Abeipa lâta pavaosana devotion daihti â hmâh.
Puhpa S. Thahlu, AIFF D License holder ta Football players zy hnohta oath taking a pahneisa, Laihsa B. Priskili ta pahnie kawpa ta hlasapa ta zawpi a palôhpahawh.
Puhpa S. Lalremthanga, Hon’ble Dy. CEM, MADC chata, MADC CEM Football Trophy 2024 Opening Ceremony Programme avaw hlao theipa zydua alynabie, a hlâ ei.
“Football he palô pie khaina chôta namâ khaih khiahta la nietluana khi taih tlô thei namâ chhuah chyu awpa a châ. Nâmo namâ chyh n’awpa tlâh châ ta, chhôhkha chyh n’awpa taih ta thai ta, palôh pie ta, tiama kawpa ta namâ khaih awpa ta ei châ haw chyu ei,” tahpa ta Dy. CEM ta a reih.
“Mawrâh tawhta Puhpa Jeje Lalpekhlua Fanai, former professional footballer nata politician chhao football akhaihna liata tiama papua ta, hlaotlohna kaw hmô lymâ ta, rietheipazy hluhpi bao ta, tahmâ cha, South Tuipui constituency tawhta kô 2023 liata Mizoram Legislative Assembly election lia chhao hlaotlohna a kaw to hapa a châ. Puhpa KC. Zalena, MCS Topper 2022 chhao Chhaolô khihpa, Siaha District liata ypa nata thotlâh khihpa cha hrâ sala, Mawrâh liata a taopha chaipa a châ,” tahpa ta khichhai laipa ta a reih.
“Tiama kawpa ta akhaih lymâ u la, hlaotlohna to lymâ ta, football akhaihna liata â sâh viapa lâ taih a kaw khaih thei awpa namâ chhuah lymâ awpa a châ,” tahpa ta Dy. CEM ta football players zy hnohta pasyunabie pha kawpa a reih.
Puhpa KT. Neikha, Vice President, SDFA ta vote of thanks reina a hnei khai tawhta Opening Ceremony Programme pachhâsapa a châ.
Puhpa S. Lalremthanga, Hon’ble Dy. CEM, MADC he Official lâ tawhta Puhpa TT. Kholaw, Sr. EO (P/S), MADC, Puhpa Pawsa Lava, AITO, MADC nata Puhpa K. Nehemia, Cameraman zy ta ama chakaochahlâh.
ISSUED BY:
Information & Publicity Department
Mara Autonomous District Council
Siaha.
