SIAHA, 14 Hmypi, 2023, Hriaheinoh – Atanoh dawh 11:00 AM pa ta Training Programme on Health Care and Financial Investment cha Forest Conference Hall, MADC, Siaha liata Puhpa M. Laikaw, CEM, MADC cha khichhai laipa (chief guest) châpa ta â hmâkhei ei.
He training programme he Puhpa BM. Khaimeichhô, D/S, (DP&AR) ta chhihtha ta, Puhpa K. Chhihrau, Executive Secretary, MADC ta Abeipa lâ pavaosana nata key note address reina daihti â hmâh.
He awareness campaign on Health Care châta resource person cha Puhpa Lalnunsanga Bawitlung, Co-ordinator, Health Care Society, Siaha, Mizoram châ ta, Financial Literacy and Credit Training châta resource person cha Puhpa Isaac Lalfamkima Sailo, Branch Manager, Mizoram Rural Bank, Siaha Branch a châ.
Puhpa Isaac Lalfamkima Sailo, Branch Manager, Mizoram Rural Bank, Siaha Branch chata atahmâ he MRB version 2 hmâh ngâhai pi ta, Mizoram sawhkhâ ta strict kawpa ta MRB version 2 a siekhei ngâhai na tahpa a reih. Mizoram Rural Bank liata Fixed deposit liata sôh eima paso chiehpa tawhta sôh eima peimawh kaw khiahta la, maturity date a tlô hlâta patha (dyuchei) theizie a reih. Fixed deposit liata interest he automatically ta saving account lâ ângia awpa chhaota a tao theizie a reih pâ heih hra. Loan la chôchâh liata Loan a latuhpa ta loan a thôpha vei khiahta la, a guarantor credit score tai a parao theizie a reih. Loan insuarance lia heta a lapakhua theipa nata lapakhua thei leipa y ta, loan thôkhai tawhta loan insuarance a lapakhua theipa he a pha chaizie a reih.
He training programme he GAD & CD and DP & AR, MADC pachhuahpanohpa châ ta, All Heads of Department, Assistant, UDC, LDC and equivalent zy châta pachhuahpanohpa a châ.
Puhpa M. Laikaw, CEM, MADC ta pasyunabie a reipa tlâhpi viapazy:
Mongyuh bieso ta “Knowledge is power” a tahpa hawhta eima hrochhôh heta achu awpa he chhâ thai leipa ta, thathi leipa ta achu via lymâ ta, ei chuna patlô ha na ta, achu byuh khao vei tahpa palôhru hnei leipa ta eima thi hlâ via cha eimâ chu ngâthlâh awpa a châ.
Atanoh alychhih kawpa ta, Health Care Scheme Central ta a taopa chôchâh awareness campaign vaw hnei ei ta, he awareness campaign programme liata a vaw hlaopa zydua pachâ peimawh ta, health care tao daihti liata opa lyuhri nata Mara zawpizy a phanazie achhopachhuahtuhpa châ namâ chhuah chyu awpa ta ei châ haw ei.
Health care tao daihti liata tao leipa ta tlâhlei daihti liata sôh nah thih chyhsa hropa patypamâ ngâ kaw leipa ta, tao daihti liata tao chyu ta, Mara zawpi a pahno leipazy nama chhopachhuah chyu awpa ta ei châ haw chanei ei.
Hmahsiena lâ a pangai lymâ awpa eima châna hawhta eima tao theina rakha liata Information Technology (IT) he hmahpasiesa eimâ chhuah via lymâ aw.
Eima hmialâ daihti liata eima chô liata khâpa hmo ma vaw tlô aw tahpa eima pahno leipa vâta Bank Account liata saving he nama pachâ peimawh via lymâ awpa ta ei châ haw ei. Sôh saving pachâ peimawh leipa ta, tlâhlei ziahlei daihti liata sawnahzy amâ chuna (education) châta nôpawzy ta saving taona châh pahno leipa ta y thlâhpa he vaw pha lei kaw ta, chahnaihta, atahmâ tawhta cha Bank Account liata saving nama vaw pachâ peimawh chyu awpa ta ei châ haw ei.
Ei châ ly kaw ei.
Puhpa Derick Salai Solo, U/S, (DP&AR), MADC ta vote of thanks reina a hnei khai tawhta daihti pachhâsapa a châ.
With inputs from:
Information & Publicity Department
Mara Autonomous District Council
Siaha.
