SIAHA, 24 Patô, 2023, Pakhynoh – Atanoh zâlâ dawh 2:30 PM khata Puhpa K. Chhihrau, Executive Secretary, MADC ta Manoj Kumar Senapati, Sr. Regional Head & General Manager, IDBI Bank Ltd, Regional Office, Guwahati nata Johnson, Branch Head, IDBI Bank, Siaha liata hriapazy a Office Chhôhpadâh liata thopi dokhei awpa ta hrua ei ta, Bank lâ tawhta rairuna amâ tyhpazy a reih khei ei.
Puhpa K. Chhihrau, Executive Secretary, MADC chata IDBI liata hriapazy hnohta ahawna tao ta, Mara Autonomous District Council (MADC) châta Corporate Social Responsibility (CSR) sôh hmâpa ta “Public Waiting Shed” nata “Public Toilet” sa nawpa Bank ta miah bao thei n’awpa lâthlôhzy a reikhei ei. Bank lâta hyutuhpazy chhaota ES ahawna he thapiphiakhei amâ chhuahzie ama reih hra.
With inputs from:
Information & Publicity Department
Mara Autonomous District Council
Siaha.
