PRESS RELEASE
NO.79/2024
SIAHA, 24 Thlarâh, 2024, Hriaheinoh – Atanoh dawh 11:00AM khata Multipurpose Hall, Council Vaih, Siaha liata Siaha District Transport Office nata Road Transport Department, Mara Autonomous District Council, Siaha pachhuahpanohpa Traffic Centric Awareness Programme â hmâhpa châ ta, Puhpa Beirahmo Syhly, Executive Member i/c Road Transport Department, MADC chata khichhai laipa (chief guest) châpa ta â hmâkhei ei.
Programme he Dr. Manesia Khaimeichho, District Transport Officer, Siaha District ta a chhihtha.
Puhpa Beirahmo Syhly, EM, MADC chata, Driver zy ama peimawhzie reih ta, Driver zy ta Motor ama hao nahta âmo ahaotuhpa hrona ama ku liata a y hleikhô ta, Motor ama haopa liata a kiahpa zawpizy hrona ama ku liata y ta, asohsi kawpa nata palôh zydua pie khaipa ta Motor ama hao awpa a peimawhzie, a reih.
“Traffic signs or road signs driving licence nama la chy ta, cha hiahri ei ta, nama pahno kawpa hawhta, Motor nama hao daihti liata speed a râ n’awpa zie ama ropazy moh pasia ta, speed a râ awpa zie hawhta achado ta asohsi kawna chôta Motor nama hao awpa a byuh,” tahpa ta EM ta a reih.
Khichhai laipa chata, “Motor hao ngâhai nota Kuva zy nama nie khoh pathleipa chhaota nama kiahpâh liata atyuhpazy na taopa kaw la, tah thlâh ha awpa, a châ leipa chhaota buakha ta Motor padua ta, liahsa apachyh khai tawhta Motor asohsi kawpa ta haopazao thlâh ha awpa a châ. Buakhata diathlâ tlamawna chôta Motor haopa heta accident na he a vaw y hmâ ha ty,” tahpa ta a reih.
“Siaha District Transport Office liata hriapazy nata Road Transport Department, MADC liata hriapazy hriaparaohna phapa eima hnei lymâ awpa he a peimawh ngaita kaw,” tahpa ta EM ta a reih.
Puhpa John Kenneth Syhly, Road Transport Officer, MADC, Siaha chhaota pasyunabie pha kawpa reina a hnei hra.
Afternoon Session he zâlâ dawh 2:00PM pa ta pathao awpa châ ta, Resource person châta Puhpa Lalrinliana Pachuau, Motor Vehicle Inspector nata Puhpa A. Lalthianghlima, i/c Traffic zy raopa a ma châ.
Puhpa Beirahmo Syhly, EM, MADC he official lâ tawhta Puhpa Pawsa Lava, AITO, MADC nata Puhpa Martin L. Hlychho, Cameraman zy ta ama chakaochahlâh.
Puhpa T. Vanlalsanga, UDC, District Transport Office, Siaha ta vote of thanks reina a hnei khai tawhta Morning Session daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
