PRESS RELEASE
NO.120/2024
SIAHA, 25 Phiapi, 2024, Hriatuanoh – Atamy dawh 10:30 AM khata MADC Session Hall liata târi 25-26 Phiapi, 2024, noh 2 chhôh atyupahmaoh awpa Mara Autonomous District Council (MADC) Winter Session 2024 cha Puhpa N. Viakhu, Chairman, MADC chhihthana ry liata pathaopa a châ.
Daihti pathaona liata Chairman, MADC ta Khazohpa bie Biehrai Pathaihpa Hlazy 53:11-12 reina hnei ta, Pihnô B. Pari, MDC ta Abeipa lâta pavaosana thlahchhâna a hnei.
Chairman, MADC ta Winter Session 2024 Panel of Chairman châta Puhpa Nahlo Solo, Chairman, Town Committee, MADC nata Puhpa TA. James Riatha, MDC zy a rao ei.
Puhpa N. Viakhu, Chairman, MADC ta MDC thiehpa Pihnô A. Nelly, nominated MDC House liata â lypangia.
Atakô Winter Session 2024 atyupahmaohna liata Starred questions he syno nata sâpangawh (25) y ta, Unstarred questions he sâcharu (6) a y.
Myrâh liata List of Business hawhta hiahrina nata achhyna daihti ahmâhpa châ ta, atanoh liata sâ 13 hiahrina nata achhyna hnei patlôpa a châ. Zâlâ liata official Bills zy introduce pa a châ. Cha nahzy cha:-
Official Bills:-
- The Mara Autonomous District Council (Village Councils) (Fifth Amendment) Bill, 2024.
- The Mara Autonomous District Council (Animal Control and Taxation (Amendment) Bill, 2024.
- The Mara Autonomous District Council (Market and Sale Taxes) Bill, 2024.
He Bills zy he mylâ târi 26.11.2024 atyupahmaoh pazao daihti liata pass achhuahpa a châ.
He Winter Session 2024, noh 2 chhôh ô awpa he my dawh 10:30 AM tawhta zâlâ 4:00 PM taihta hnei tyhpa châ aw ta, zâlâ dawh 1:00 PM – 2:00 PM, dawhkha chhôh apahâna daihti châta hmâh awpa a châ.
Atanoh târi 25.11.2024 Winter Session a noh khana he zâlâ dawh 2:40PM khata pachhâsapa châ ta, mylâ târi 26.11.2024 dawh 10:30 AM pa ta pathao heih awpa a châ.
ISSUED BY:
Information & Publicity Department
Mara Autonomous District Council
Siaha.
