SIAHA, 16 Nawh, 2023, Hriatuanoh – Atanoh dawh 1:00 PM khata Puhpa T. Seido EM i/c Sports & Youth Services Department, Social Welfare Department, MADC ta a room pha kawpa a topa vâta Khazohpa lâ alynabie reina nata pavaosana thlahchhâna daihti a pachhuapanoh.
Revd. Dr. M. Zakonia cha thlahchhâpatuh awpa ta hrua ta, ano ta Biesozy 1:7 Biehrai Pathaihpa reipapuana nata reipakawhna hnei ta, Abeipa Khazohpa china cha sona thabypa a châzie reih ta, Isai 8 liata khihpi ku ahnei leipa cha palôhrupa avaih pahnie leipa a châzie reih ta, khizaw chyhsa cha chichhih leipa ei ta, Avâ Khazohpa china chôta rai hria ta, sie lymâ awpa he pha chai ta, byhnâ tona chhao a châzie reih ta, MADC Main Building liata Khazoh bie “Thyu la, khaih teh” tahpa ta aropa a hmôpa cha â lyzie a reih.
Puhpa T. Seido, EM chata, he liata a vaw hlaopa Officer & Staff zy hnoh ta biereina chyupa hnei ta, MADC lia heta Sports & Youth Services Department nata Social Welfare Department he Department polite chaipa nata thotlâh lâ tawhta châ vaw daohpazy khâsia (care) kawpa nata welcome kawna chôta nama vaw baokhâ lymâ awpa ta staff zy lâta ahawna a tao.
Puhpa JH. Beihnai, Sports & Youth Officer, MADC chhaota Department vyuhpa ta pasyunabie pha kawpa reina nata alynabie reina a hnei.
Puhpa T. Seido, EM chata atanoh thlahchhâna liata avaw hlao theipa Laki welfare nôpawpa zy, MJA Siaha zy, a chhôhkhazy, MADC office liata hrua-eihpa officer & staff zy hnohta alynabie a reih.
With inputs from:
Information & Publicity Department
Mara Autonomous District Council
Siaha.
