SIAHA, 9 Hmypi, 2023, Pobiehnoh – Atanoh dawh 12:00 Noon pa ta Environment, Forests & Climate Change Department, MADC nata District Level Fire Prevention Committee, Siaha pachhuahpanohpa Fire Prevention Week 2023 cha Forest Conference Hall, MADC, Siaha liata Puhpa M. Laikaw, CEM, MADC cha khichhai laipa (chief guest) châpa ta â hmâkhei ei.
Programme he Smt. Lalnunmawii, Addl. DC, Siaha ta chhihtha ta, Pro. Pastor A. Lalhriatpuia, Chakhei Pastor Bia, Biatuhpa ta Abeipa lâ pavaosana daihti â hmâh. MTP Branch, Meisavaih ‘E’ ta pahnie kawpa ta hla ama paryh. Puhpa Thaly T. Azyu, Conservator of Forests & Member Secretary, District Level Fire Prevention Committee ta report piena a hnei.
Florence Hlychho ta pahnie kawpa ta hlasapa ta zawpi a palôhpahawh.
Puhpa M. Laikaw, CEM, MADC ta pasyunabie a reipa tlâhpi viapazy:
Mongyuh bieso ta prevention is better than cure a tahpa hawhta lyu, sahdô, etc rao hlâta mei eima pakâ tlamaw lei nawpa ta avaihna (prevention) pha kawpa eima hnei awpa he a peimawh ngaita kaw.
New Maraland tao awpa heta tiama eima papua chyu awpa ta ei châ haw ei. Siku hawtizy picnic awpa ta ama sie daihti lia chhaota mei ama pakâ tlamaw lei nawpa ta nô nata pawzy ta pha kawpa ta ama picnic-na su liatazy mei ama pakâ tlamaw lei nawpa ta eima sawnahzy eima chho chyu awpa a byuh.
Nâma nata keima ta eima râh kyh eima pachâ vei khiah, ahyta hmahta kyh miah pachâpa aw veih ei. Mara zawpi zydua, NGOs, Awnanopa, etc heta abaopasupa ta eima râh kyhpachâna palôhrupa hneina chôta eima râh hneichhôhpa he mei pakâ leipa ta eimâ vaih chyu awpa ta ei châ haw ei.
LAD, MADC, Khihto VC, NGOs, zy ta hriaparaohpa ta mei apakâtuhpa châ leipa ta mei ama pakâ lei nawpa ta avaihtuhpa châ achhuah chyu suh vy.
Ei châ ly kaw ei.
Puhpa S. Siko, UDC, EF&CC Dept., MADC ta vote of thanks reina a hnei khai tawhta daihti pachhâsapa a châ.
With inputs from:
Information & Publicity Department
Mara Autonomous District Council
Siaha.
