SIAHA, 7 Hmypi, 2023, Hriaheinoh – Atanoh dawh 1:00 PM pa ta Puhpa M. Laikaw, CEM, MADC Office chhôhpadâh liata 21st Lyuva Khutla 2023 (Cha-ypi) hmâh nawpa chôchâh reipahmaohna hneipa a châ.
Meeting he Puhpa M. Laikaw, CEM, MADC ta a chhihtha. Atakô Lyuva Khutla 2023 he târi 9 Pamih (March) 2023 (Thursday) nohta Siaha Tlyliah liata dawh 10:00 AM pa ta ahmâh awpa a châ. Azipa châta Puhpa M. Laikaw, CEM, MADC raopa châ ta, Bible Reading & Prayer (Abeipa lâ pavaosana) daihti hmâh awpa ta Rev. T. Salaw, Moderator, ECM Assembly raopa a châ.
Chairman châta Puhpa K. Chhihrau, Chairman, Lyuva Khutla Organising Board raopa châ ta, Member Secretary châta Puhpa JB. Chozah, Lyuva Khutla Organising Board raopa a châ. Bie phuahtuh awpa châta Ls. T. Cassidy nata St. MC. Beihrohmô raopa ama châ.
Lyuva Khutla 2023 celebration programme he First Session nata Second Session ta pachhaihpa châ ta, first session liata hladyuh pathluahna zy, chiahmie tôna zy, azipa biereina zy, etc ta ahmâhpa châ aw ta, second session liata lâ costume parade, chhivaw & khydi, fashion show, sawlâkia, hlasana, etc zy ta celebration programme ahmâhpa a châ aw.
Atanoh he preview meeting mopazina lia heta MTP (HQ) chhituhpa zy, MCHP (HQ) chhituhpa zy , MSO (HQ) chhituhpa zy, MHP chhituhpa zy, All HoDs, MADC nata hruaeihpazy ta meeting he amâ hlao.
With inputs from:
Information & Publicity Department
Mara Autonomous District Council
Siaha.
