Siaha, 13 February, 2023 (Marasaw.com) – Atanoh târi 13.02.2023 @ 1:00 Pm liana khata Board of Mara Literature member zy cha ama Chairman Puhpa MH. Tiabi, EM (MS) Official chamber liata amâ tyuhpahmaoh.
He BML meeting he Puhpa MH. Tiabi, EM (MS) ta chhihtha ta, BML nata Mara reih hmahsie n’awpa châta theina zydua papua awpa ta member zy a pasyu ei.
BML meeting biepathlupa peimawh viapazy:
1. Puhpa H. Sawlawmaw (L), Puhpa B. Tekô (L), Puhpa Laila Khithie (L) hlazy achu pahmaohma seminar hnei awpa.
2. Hlaphôh areipasuana pachhuahpanoh awpa.
3. Phurâ liata Mara reih rozie achuna seminar pachhuahpanoh awpazy a châ.
He BML meeting liana heta Member zy ama puapha ngâsâ.
With inputs from L. Beimokhai.
