PRESS RELEASE
NO.42/2025
SIAHA, 21 Pachawh, 2025, Hriatuanoh – Atanoh my dawh 9:00 AM khata Puhpa S. Lalremthanga, Hon’ble Deputy Chief Executive Member i/c Education (P/S), MADC ta New Colony Comprehensive School, Lorrain English School nata College Vaih III P/S zy a tly.
Puhpa S. Lalremthanga, Dy. CEM, MADC chata, “NEP (National Education Policy) 2020 implement awpa châ ta, NEP 2020 liata cha Age 4 → KG 1 (Lower KG), Age 5 → KG 2 (Upper KG), Age 6 → Class 1 châ ha bâ aw ta, chavâta achuna he nama pachâ peimawh via lymâ awpa a byuh. Tiama kawpa ta namâ chu lymâ bâ awpa a byuh. Paritheipa (Drugs) he adyuh lymâ pi ta, Achuhaipazy paritheipa tao rai rai lei awpa a châ. Paritheipa ataopa nama y pathlei khiahta la School tawhta papua theipa nama châ,” a tah.
“Achuna liata arâpasua ta ahyma taopha chai tahpa namâ chhuah chyu awpa a châ,” Dy. CEM tah a ta.
Dy. CEM chata, “Lorrain English School chhao tly ta, Lorrain English School he eima Missionary zy atheithlâhna châta School paduapa châ ta, Mararâh liata School pha chaipa châ thei sala, tahpa ta paduapa châ ta, he School liata hriapazy ei chi he, sawhkhâ raihriapa hawhta apachâ leipa u la, chakaona hawhta nama pachâ awpa a byuh. Chakaona hawhta nama pachâ khiahta la, nama palôhru liata thapasana nata tiamana y aw ta, chata School pha chaipa lâta â vaw lie thlâh ha aw,” a tah.
“Dy. CEM chata, “College vaih III P/S chhao tly ta, achuna lâta pasyunabie pha kawpa a reih hra. Atanoh ta School sathôh atlypazy he achuna lâta pasyunabie pha kawpa a reih hleikhô ta, schools châta ama peimawhpa nata amâ ngiahpazy reikhei chyu ei ta, abyuh ângiahna hawhta taotheina rakha liata bao chyu awpa â chhuahzie,” a reih.
Dy. CEM he Official lâ tawhta Puhpa TT. Kholaw, Sr. E.O (P/S), MADC, Puhpa K. Machhua, E.O, MADC, Puhpa Herbertson Syuhlo, AEO, MADC, Puhpa Pawsa Lava, AITO, MADC, Puhpa R. Beilochai Khithie, Inspector of Statistics, Puhpa Zosa Khaila, LDC, MADC nata Puhpa Martin L. Hlychho, Cameraman MADC zy ta ama chakaochahlâh.
ISSUED BY:
Information & Publicity Department
Mara Autonomous District Council
Siaha.
