PRESS RELEASE
NO.24/2025
SIAHA, 28 Hmypi, 2025, Chutynoh – Atamy dawh 7:00AM khata Puhpa K. Chhuabei, Executive Member i/c LAD, MADC ta Chhâtlâh liata Solid Waste Management System sa ngâhaipa cha a su liata a za tly.
He Solid Waste Management System, Chhâtlâh liata sa haipa he zâkô 28 September 2024 tawhta DJ Consultancy Service zy ta sa pathao ei ta, sôh Rs. 6,98,29,000.00 (Six Crore Ninety Eight Lakhs Twenty Nine Thousand only) hmâpa ta sa ngâhaipa a châ.
Solid waste thy n’awpa pachhaih, pathlua (segregate) khaipa châ aw ta, he waste he leiphapa lâta a vaw lie aw ta, zuahpakhua theipa a châ aw.
Puhpa K. Chhuabei, EM, MADC he Puhpa Henry PL Hnaihly, SO, MADC, Puhpa C. Rahre, AE, PWD, MADC, Puhpa Pawsa Lava, AITO, MADC, Pihnô C. Thangmawii, JE, UD&PA, Puhpa CZ. Hluna, President, MJA Siaha, Puhpa M. Baithai, Chhim Aw Editor, Laihsa Evelyn Chozah, DDK Stringer Siaha nata Puhpa K. Nehemia, Cameraman zy ta ama chakaochahlâh.
ISSUED BY:
Information & Publicity Department
Mara Autonomous District Council
Siaha.
