PRESS RELEASE
NO.125/2024
SIAHA, 28 Phiapi, 2024, Pohbienoh – Atanoh my dawh 11:00 AM khata Mizoram Cooperative Apex Bank, Branch thiehpa New Colony, Siaha near ECM Local Church, New Colony, Siaha liata pahypa châ ta, he pahyna programme he ECM Local Church, New Colony, Siaha Centenary Hall liata ahmâhpa châ ta, Puhpa M. Laikaw, Hon’ble CEM, MADC cha khichhai laipa (chief guest) châpa ta â hmâkhei ei.
Programme he Puhpa Lalrinchhana, Vice Chairman, MCAB Ltd ta chhihtha ta, Rev. T. Salaw, Sr. Executive Secretary, ECM ta Abeipa lâta pavaosana devotion daihti â hmâh.
Puhpa M. Laikaw, Hon’ble CEM, MADC chata, “Atanoh Mizoram Cooperative Apex Bank Branch thiehpa New Colony, Siaha liata pahyna programme liata khichhai laipa châ awpa ta hruapa ei châpa he ei ly hmeiseih,” a tah.
“Siaha liata Bank Account ei pahy tua chaipa he Mizoram Cooperative Apex Bank lia châ ta, Apex Bank liata loan zy la na ta, O zy ei padua thei hrapa a châ. Apex Bank liata hriatuhpazy chô lâ liata alynabie ei reih hmeiseih,” tahpa ta CEM ta a reih.
“Khazoh ngiachhiena vâta MADC liata CEM vaw châ na ta, a tliata lia khata MADC nata Mizoram Cooperative Apex Bank cha MoU zy sign pi ta, hriaparaohna pha kawpa hnei lymâ eimâ chhuah,” tahpa ta khichhai laipa ta a reih.
“Pihnô B. Vapawdi chhaota Mizoram Cooperative Apex Bank Branch thiehpa New Colony, Siaha liata pahypa a châ thei n’awpa ta thata hmah la ta, a chô liata ei ly hmeiseih,” tahpa ta CEM ta a reih.
CEM chata, “Customer zy hnohta polite kawpa ta a vaw dao tyh awpa nata welcome tyh awpa ta, Apex Bank liata hriapazy hnohta ahawna,” a tao.
Puhpa Abraham Beirazi Khithie, Add. DC, Siaha cha guest of honour châpa ta â hmâkhei ei ta, pasyunabie pha kawpa reina a hnei hra.
Pihnô P. Chaki, President, MCHP HQ, Siaha chhaota pasyunabie pha kawpa reina hnei ta, atanoh New Colony, Siaha liata Mizoram Cooperative Apex Bank Branch thiehpa pahypa a châpa aly â chhihzie reih ta, polite kawpa ta customer zy welcome tyh awpa ta Apex Bank liata hriatuhpazy hnohta, ahawna a tao pâ hra.
He Mizoram Cooperative Apex Bank Branch thiehpa New Colony, Siaha liata pahypa he Apex Bank Branch 30-na a châ.
He Apex Bank Branch thiehpa lia heta Saving Bank Account, Current Account, No Frill Account, Fixed Deposit, Recurring Deposit Account etc. pahy theipa a châ.
Apex Bank heta Mobile Application “Mizo Apex” Android nata iOS liata hmâ theipa châ ta, IMPS/RTGS/NEFT hmâpa ta a rainao kawpa ta phusâ transfer theipa châ ta, Account statement chhao moh theipa nata download theipa a châ.
ATM (Platinum Debit Card) chhao a chatlie kawpa ta ama pie papua thei.
Puhpa C. Chehnei, Deputy Chairman, MADC nata Puhpa K. Vanlalliana, Executive Secretary, MADC zy chhao Puhpa M. Laikaw, Hon’ble CEM, MADC ama chakaochahlâh thei hra.
Puhpa H. Lalramdina, AGM, MCAB Ltd ta technical report piena hnei ta, Puhpa P. Lalsawmliana, General Manager, MCAB Ltd. ta vote of thanks reina a hnei khai tawhta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
