Jessica B. Khuhly – Thyu la khaih teh
1. Lôpu thopu achhy ta,
Sâtâ sei lia âtâh hai no;
“Thyu la khaih teh” tah ta awhna ao ta,
Mara râh cha a pakhaih haw.
Chi nah pho boh n’awpa nah,
Laiseih lymâ n’awpa ta;
India sawhkhâ hmâpa ta,
Ryureina eihhrâhpa miah pie.
CHORUS
MADC Golden Jubilee cha,
Tahmâ lypa ta eima tlô ha na;
Mara saw châta byhnâ MADC vâ heta,
Chô Khazoh hnoh alynabie reih s’u.
2. Sasyh ryureih thei n’awpa,
Lâhaw vaw chhawhtuhpa zydua;
Thyutlia sawzy heta my beih ma pi,
Zana SAMAW eima cha hlâ.
Chhihthatuh hmiatuapazy,
Nama vaw hriapasanazy;
Palôh ta eima châ thei ngâthlâh ha,
Mara lôsôhzy nama châ.
3. Rairuna chito hry lia,
MADC hmahsie n’awpa;
Siepapua ta, keih chakâtuhpa zydua,
Nama chitupa a pyuh haw.
Chi nah pho pabohsa ta,
MADC laiseih n’awpa;
Thyutlia sawzy ngiatlâh lia â pahnieh,
Hrozô chhâ lia pabohsa s’u.
Note: He hla he MADC Golden Jubilee Theme Song a châ.
