PRESS RELEASE
NO.28/2024
SIAHA, 06 PAMIH, 2024, Pakhynoh – Atanoh dawh 10:00 AM pa ta Samagra Shiksha, Siaha District pachhuahpanohpa Awareness Campaign on Vidyanjali & Portal & Training of SMC/SMDC on Digital Signature Certificate (DSC) programme cha Seminar Hall, Siaha College, Siaha liata â hmâhpa châ ta, Puhpa S. Lalremthanga, Hon’ble Dy. CEM, i/c Education (P/S), MADC cha khichhai laipa (chief guest) châpa ta â hmâkhei ei.
Programme he Puhpa T. Chatlua, Addl. DPC, Samagra Shiksha, Siaha District ta chhihtha ta, Rev. Chhuakhu Khithie, ES i/c Edn, ECM (H) Office, Siaha ta Abeipa lâta pavaosana devotion daihti â hmâh.
Atanoh programme â hmâna lia heta Samagra Shiksha hmahlana School management committee (SMC)/School Development Management Committee (SMDC) ta Vidyanjali & Portal hmâpa ta hmahlana nata raihrianazy Portal liata khô lymâ peimawhzie training hneipa châ ta, Khizaw a kaw sosâh lymâ ta Digital Signature Certificate (DSC) zy hmâh awpa a vaw peimawh vâta, Digital Signature Certificate (DSC) tao dâh/hmâh dâhzy amâ chu pâ hra.
Puhpa S. Lalremthanga, Hon’ble Dy. CEM, MADC chata, “Atanoh he programme pachhuahpanohtuhpa organizing comittee ta khichhai laipa châ awpa ta na khokheituhpa hnohta alynabie ei reih hmeiseih,” tahpa ta a reih.
“Atanoh he programme pachâ peimawh ta pachutuhpazy, VCs, etc., zy a vaw hlao theipa zydua hnohta alynabie ei reih. Kha hlâ via no cha khito liata khitlâh VC, NGO, zawpizy ta achuna O (school) he pachâ peimawh kaw tyh ei ta, siku O, Siku compound, siku lâthlôh, etc taopathi byuhpa maih taopathi tyh ei ta, tahmâ deikua hmo totie sawhkhâ tao awpa hawh sai ta pachâna y ta, he he a pha lei kaw. Education peimawhzie pathipalôh lia heta palaisa heih chyu ei sih la, siku O, a chheipâh, lâthlôh, etc zy he a byuh ângianah hawhta khitlâh heta pachâ peimawh ta taopathi byuhpazy tlâhraizy pahruapa ta taopathi tyhpa châ sala, sawhkhâ ngâlâh angiapâ thlâh leipa ta hmahla chyu awpa ta, “Atanoh ta programme a vaw hlaopa zydua hnohta khichhai laipa ta ahawna a tao.
“Achuna papeimawhsa ta IAS top ten liazy ahlao tyh ei sih la, India liata State laipa nata hneirôh viapazy ta miah mohnao ngâh aw veih ei. Atahmâ ta siku hawtizy he rei leipa liata eima râh chhihtuhpazy vaw châ awpa ama châpa vâta, amâ chuna he eima papeimawhsa kaw awpa a byuh. UPSC exams liata tiama papua ta hlaotlohna a topa thâ thei’pa he y tu khao leipa ta, achuna liata tiama papua ta UPSC exams liata eima sawzy hlaotlohna ama to thei n’awpa ta eima pasyu hluh via awpa he a za peimawh ngaita kaw,” tahpa ta Dy. CEM ta a reih.
Puhpa PC. Vanlalnghaka, Dy. SPD, SPO ta biereina chyupa hnei ta, Wilma S. Ngothie ta pahnie kawpa ta hlasapa ta zawpi a palôhpahawh.
Puhpa S. Lalremthanga, Dy. CEM, MADC he Official lâ tawhta Puhpa John Kenneth Syhly, EO (P/S), MADC, Puhpa Pawsa Lava, AITO, MADC nata Puhpa K. Nehemia, I&P Dept., MADC zy ta ama chakaochahlâh.
ISSUED BY:
Information & Publicity Department
Mara Autonomous District Council
Siaha.
