PRESS RELEASE
NO.18/2024
SIAHA, 22 Hmypi 2024, Pohbiehnoh – Atanoh dawh 1:00Pm pa ta Urban Development & Poverty Alleviation Department, Siaha pachhuahpanohpa Mizoram Cleanliness Competition (MCC) 2023 Result phuana liata Siaha District cha 2nd Category : District Headquarters liata 3rd Position eima châpa Celebration Programme cha Golden Jubilee Hall, MADC, Siaha liata Puhpa M. Laikaw, Hon’ble Chief Executive Member, MADC cha khichhai laipa (chief guest) châpa ta â hmâkhei ei.
Programme he Puhpa Lalhmunsanga Hnamte, DC, Siaha ta chhihtha ta, Rev. Joseph Thlauhthang, Supt. UPC (NE1) ta Abeipa lâta pavaosana devotion daihti â hmâh.
Puhpa M. Laikaw, CEM, MADC chata, “Mizoram Cleanliness Competition 2023 Result phuana liata Siaha District cha 2nd Category : District Headquarters liata 3rd Position lymâ eima vaw la thlâh hapa cha ei ly hmeiseih. Atakô 2024 Cleanliness Competition liata 1st Position tlyma 2nd Position tlyma nama la khiahta cha kyhchhina ta ei châ lypa aw ei,” tahpa ta a reih.
“High School ei kia no heta chyhsa O liata y na ta, ei yna O hneituh nô he chyhsa pathaih kawpa nata, pathaihna khoh kawpa nata papeimawhsa kawpa châ ta, Ochhôh siphiah a pua awpa he khoh leipa ta, tho siphiah cha Meiti nata Mombati hmâpa ta eima chata pathai ngâthlâh ha tyh. He hawhta regular kawpa ta Ochhôh siphiah eima pathai ngâthlâhpa kha ei hro lia heta achakaih pâ ha ta, atanoh taihta Ochhôh pualeipa zy, ei yna chheipâh pualeipa zy, ei chysia pualeipazy nata niebaw pualeipazy he chhyhthai khao va na,” tahpa ta zachhihpa CEM ta a reih.
Khichhai laipa chata, “Mara house, Aizawl liata ei tlô tyh daihti liata chhao na chareituhpazy amâ di nahta kuvâ ama niena ama thy chakhyh thlâh hapa zy, chahnâmei ama pazyna ama thy thlâh hapazy ei pathai khai tyh. Mara house, Aizawl liata ahriapazy ta eina reih dâh ei ta cha, “Mara house liata a tlôpa zydua hry liata Puhpa M. Laikaw a tlôna room a pathaih chai” tahpa ta ama reih tyh,” tahpa ta a reih.
Puhpa K. Chhuabei, EM, LAD, MADC cha Guest of Honour châpa ta programme he â hmâkhei hra ei.
Puhpa K. Chhuabei, EM, MADC chata, “Siaha khihchhôh liata pathaihna rai ama hriana nata hmah ama lanazy reih ta, Siaha khihchhôh liata I (Dog) ahneituhpazy ta khihchhôh liata pathlie ta Siaha khihchhôh ama papuapaleipa a phaleizie reih ta, zâkô lâ tawhta Animal Control(dog) he hmahlapa châ ta, 2023′ liata cha i(dog) a papuapa cha pa fine sa ta hriepa ama châ lymâ aw,” tahpa ta a reih.
“Atakô cha eima dâh nata phôh pa-i viapa ta, The MADC (Animal Control and Taxation) act 1983 and Amendment 2018) act section 3(1) 2(b) bie hawhta ahyhmah ta, Siaha town chhôh liata ypa i(dog) hneituhpa/mohôtuhpa y leipa ta khiliah liata i ama papua awpa châ vei,” tahpa ta Guest of Honour ta a reih.
EM i/c LAD, MADC chata, “Section 24 of The MADC (Animal Control and Taxation) act 2018 hmâpa ta he a chô liata dâh zyh leipa ta i (dog) a papua raruahpa cha fine pa ta hrie awpa ama châ. Section 29 of The MADC (Public Health & Sanitation) Rule 2012 hmâpa ta i(dog) khiliah a papua raruahpa pacheisa ta warning pie tawh chhaota dâh papeisa leipa cha fine nata lô-o thla 2month/6month patâh thei awpa a châzie,” a reih.
Pihnô B. Malsawmtluangi, DPO, UD&PA ta Powerpoint Presentation nata Technical Report piena hnei ta, Puhpa H. Malsawma, VCP, New Siaha East – 1 ta short speech reina a hnei.
Puhpa Henry PL Hnaihly, SO, LAD, MADC ta Pathaihna Pledge taking Programme a vaw hlaopa zydua pahneisana a hnei.
NULM Staff zy ta Prize Distribution raina hnei ei ta, Puhpa John Beizachhi Phuto, LAD, MADC nata FC. Nipari zy ta pahnie kawpa ta hlasapa ta zawpi ama palôhpahawh.
Pihnô S. Lalmuanpuii, Sr. LAO, LAD, MADC ta pahnie kawpa ta vote of thanks reina a hnei khai tawhta daihti pachhâsapa a châ.
Puhpa M. Laikaw, CEM, MADC he Official lâ tawhta Puhpa K. Chhihrau, Executive Secretary, MADC, Puhpa Pawsa Lava, AITO, Puhpa T. Pabua, I&P Dept., MADC nata Puhpa K. Nehemia, Cameraman zy ta ama chakaochahlâh.
ISSUED BY:
Information & Publicity Department
Mara Autonomous District Council
Siaha.
