PRESS RELEASE
NO.11/2024
SIAHA, 06 Hmypi, 2024, Hriaheinoh – Atanoh dawh 10:30Am pa ta Forest Conference Hall, MADC, Siaha liata District Level Fire Prevention Committee, Siaha pachhuahpanohpa Fire Prevention Week 2024 (5th – 9th February, 2024) Programme â hmâhpa châ ta, Puhpa S. Lalremthanga, Dy. CEM, MADC cha khichhai laipa (chief guest) châpa ta â hmâkhei ei.
Programme he Smt. Lalnunmawii, Addl. DC, Siaha ta chhihtha ta, Rev. K. Laichhua Azyu, ECM Moderator Elect ta Abeipa lâta pavaosana devotion daihti â hmâh. ECM KTP Branch, Siaha Vaihpizy ta pahnie kawpa ta Opening Song ama paryh.
Puhpa Thaly T. Azyu, Conservator of Forest & Member Secretary, District Level Fire Prevention Committee ta report piena hnei ta, atakô lyu nata sahdô rao daihti (fixation of Jhum & Garden burning date) a phuahpa. Sahdô (Garden) rao daihti 29th February 2024 (last date) châ aw ta, lyu (Jhum) rao daihti cha 15th March 2024 (last date) a châ aw, a tah. Zarzomawii ta pahnie kawpa ta hlasapa ta zawpi a palôhpahawh.
Puhpa S. Lalremthanga, Dy. CEM, MADC chata, “râh mohôh pha a peimawhzie reih ta, Khazohpa ta râh miah a piepa, râh eima hneichhôhpa eima râh pakâ leipa ta a pha kawpa ta eima mohôh lymâ awpa he a peimawh ngaita kaw,” tahpa ta a reih.
“Eima râh vaih pha leipa nata mohôh pha leipa ta eima pakâ lymâ khiahta cha a taotuhpa cha keimo pyly eima châ,” tahpa ta khichhai laipa ta a reih.
“Siku hawti châ achuhaipazy ama holiday chhôhta apalypauasapa ta râh lâ zy siepa ta mei pakâ tlamaw tyh ei ta, he kyh lia heta Sr. EO, (P/S nata M/S), MADC nata Pachutuhpazy ta châzy papuapa ta pasopakâpa ta râhzy ama pakâ lei n’awpa ta hmahla ei sala a pha kaw aw,” tahpa ta Dy. CEM ta a reih.
Puhpa S. Siko, UDC, EF&CC Dept. MADC ta vote of thanks reina a hnei khai tawhta Abeipa thlahchhâna reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
