PRESS RELEASE
No.1/2024
SIAHA, 5 Nawh, 2024, Chutyhnoh – Atanoh dawh 12:00 Noon pa ta MADC Golden Jubilee Hall, Siaha liata Mara Autonomous District Council, Siaha Office Re-Opening programme 2024 a hmâhpa a châ.
Programme he Puhpa K. Chhihrau, Executive Sectetary, Mara Autonomous District Council ta chhihtha ta, Rev. K. Laichhua Azyu, Moderator Elect, ECM Assembly ta Abeipa lâta pavaosana devotion daihti â hmâh.
Puhpa M. Laikaw, CEM, MADC chata, atakô kô thiehpa tawhta cha punctuality papeimawhsa ta a daihti ta liata Office tlô ta, a daihti ta liata adi awpa ta MADC liata hriapa zydua hnohta ahawna a tao.
“Information Technology (IT) he Department pitlohpa ta tao achhuah ngâhaipa châ ta, NIC ry liata own domain website a register ta website reliable kawpa tao awpa ta hmahla ngâhaipa châ ta, MADC Office liata Department tota computerise khai ta, internet connection pha viapazy hmâh ta, IT hmah pasiesa â chhuahzie,” CEM ta a reih.
“Atakô Kô thiehpa tawhta cha paritheipa taona chôta Office kiah pasai khao leip’aw pita, parina chôta Office â vaw kiahpa cha â byuhna hawhta action la lymâpa châ aw ta, a ru lâta paritheipa MADC Office liata a vaw zuah tyhpazy hnohta action la lymâpa a châ aw,” tahpa ta CEM ta a reih.
“Kô thiehpa tawhta cha “pathaihna” papeimawhsa ta Office lâthlôh zy, Office liata eima room chyu a pathaih kawpa ta mohôh chyu awpa ta ahawna tao ta, pakhynoh (wednesday) nohta Mara atobina (Mara dress) ta atobinazy he papeimawhsa ta regular kawpa ta atobi lymâ awpa ta,” CEM ta MADC liata hriapazy hnohta ahawna a tao.
“MADC ry liata hriapa Department tota hriaparaohna phapa hnei chyu ta, dâh papeimawhsa chai ta â do kawpa nata ngâchhih kawpa nata tiama kawpa ta atakô Kô thiehpa tawhta raihria chyu awpa ta,” MADC ry liata hriapa zydua hnohta CEM ta pasyunabie a reih.
Puhpa K. Hrahmo, EM (Rev) & MLA chata, Khazohpa ta mongyuh râh tawhta Missionary miah vaw tuapa ta, Missionary vâ deita ta District Council a hmôpa eima châ. Atakô tawhta cha Mawrâh sawhkhâ ta strict kawpa ta rai hria ta, ryureih achhuah ta, chavâta, hmo siekheidâh (procedure) â do kawpa ta raihria chyu awpa ta MADC liata hriapazy hnohta pasyunabie a reih.
Puhpa N. Viakhu, Chairman, MADC chhaota pasyunabie pha kawpa reina a hnei hra.
Puhpa John Beizachhi Phuto nata laihsa Dinai C. Lalruatdiki zy ta pahnie kawpa ta hlasapa ta zawpi ama palôhpahawh.
Atanoh nawh (January) 5 he Puhpa K. Chhihrau, Executive Secretary, MADC a pihna noh (Birth day) a châpa vâta atanoh MADC Office Re-Opening programme â vaw hlaopa zydua hnohta Chocolate pahâh kawpa a rai chyu ei.
ISSUED BY:
Information & Publicity Department
Mara Autonomous District Council
Siaha.
