Puhpa K. Chhihrau, Executive Secretary, MADC ta Moonlight Award 2023 raina programme hmâkhei

by in News in Mara

PRESS RELEASE
No.144/2023

SIAHA, 12 Di, 2023, Hriaheinoh – Atazâ dawh 7:30 PM pa ta Moonlight Award Organising Board pachhuahpanohpa 15th Moonlight Award 2023 raina programme cha MYA Multipurpose Hall, New Siaha liata â hmâhpa châ ta, he programme lia heta Puhpa K. Chhihrau, Executive Secretary, MADC cha khichhai laipa (chief guest) châpa ta â hmâkhei ei.

Moonlight Award 2023 Programme he Pachho Notlia nata H. Vanlaltluangi (VL-i) ta pahnie kawpa ta ama host. Rev. Chhuakhu Khithie, Executive Secretary, ECM HQ ta devotion daihti â hmâh. Puhpa Jeffrey J. Khara, Chief Organiser ta welcome speech reina a hnei. Special Guest Ls. Teresa Syuhlô, Miss Mara chhao programme a vaw hlao thei hra. Puhpa H. Vabeitha, Chairman, Moonlight Award Organising Board ta 15th Moonlight Award 2023 amâ chhuanohna report piena a hnei.

Puhpa K. Chhihrau, ES, MADC chata, “Moonlight Award azaopa ta ei 15 taopazao theipa a vaw châpa he aly achhih ta, Puhpa Jeffrey J. Khara, Chief Organiser nata Moonlight Award Organising Board zy ama hriapasana nata amâ piepasana zydua liata reithai ei na ta, ei lykhei hmeiseih ei,” tahpa ta a reih.

“Hlasathaipazy nata fashion designing lâ ta pahâhpazy châta he hawhpa programme phapa pachhuahpanoh theipa a vaw châ tyhpa he ei ly hmeiseih,” tahpa ta ES ta a reih.

“Aizawl liata hlasathaipazy TV nata YouTube liazy ta eima hmô tyhpazy atazâ Moonlight Award vâ deita ta ama hmia hmô theipa ta a ypazy he aly â chhih hmeiseih,” tahpa ta khichhai laipa ta a reih.

“India râh liata chyhsa a pahrâpa zydua hry liata Mawrâh state he aly thei chaipa state eima châ. Chavâta, Khizaw liata aly thei chaipa chi pho eima châ thei n’awpa ta hmahla chyu suh vy,” tahpa ta ES ta a reih.

“Hlasathaipa zy, Sports a pahâh kawpa nata fashion designing liata talent a hneipazy ama talent zy pasô thai ta, lymâ la tlâh châpazy lymâ pie ta he hawhpa programme pachhuahpanohpa a vaw châpa he a ly â chhih hmeiseih,” tahpa ta ES ta a reih.

“He programme pachhuahpanohtuhpazy nata he programme hlaotloh thei n’awpa ta vaw sponsor tuhpa zydua namâ piepasana he reithai tlâh nama châ hmeiseih,” tahpa ta khichhai laipa ta a reih.

15th Moonlight Award 2023 liata lymâ a daopazy:-

  1. Best Male Artist – John Beizachhi Phuto
  2. Best Female Artist – Fc. Nipari
  3. Best Gospel Male Artist – Pachho Nôtlia
  4. Best Gospel Female Artist – Dinai C. Lalruatdiki
  5. Most Promising Artist – A. Beilaipha
  6. Best Male New Artist – Tete Khuhly
  7. Best Female New Artist – Zine P. Fachhai
  8. Best Music Video – April Jkt
  9. Best kid singer – Estherine K. Khaingia
  10. Best rapper – Enez David
  11. Lai dist Best Artist – Rebek Lallawmzuali Fanai, Lai idol 2023
  12. Mara Reih Best writer – Robert B. Syuhlô (Phurie)
  13. Best Sport Person – K. Ngopawdi
  14. Best sport promoter – Khusa Khailah
  15. Best Male Model of Mizoram – J. Peter Lalremthanga
  16. Best Female Model of Mizoram
    = Ruthy Lalrinsangi Ralte
  17. Best Male YouTuber – Chanchinmawia (Chacha)
  18. Best Female YouTuber – Lalrammuanpuii
    ( Tuesday Nightmare)
  19. Mizoram Best Gospel Artist
    = Jonathan Lianhna
  20. Mizoram Best Male Artist – K. Hminga
  21. Mizoram Best Female Artist – Zaii Hauchhum
  22. Mizoram Best Entertainer – Rebecca Lallawmsangi
  23. Mizoram Best Afrobeats (Duet)
  24. Mizoram Best Afrobeats (Duet)
    = Rebecca Lawmsangi & Young Fella
  25. Special Award – J. Ruby
  26. Special Award – Jessica B. Khuhly
  27. Best Officer – Elizabeth N. Dawku
  28. People Choice Award – Saiwanah
  29. Best Dancing group – KHP College Vaih
  30. Best Sentimental Song – FC. Suna Chanô.

Puhpa K. Chhihrau, Executive Secretary, MADC he Official lâ tawhta Puhpa Syuhlô Beichakhei Mara, Officer on Special Duty, MADC, Puhpa Pawsa Lava, AITO nata Puhpa K. Nehemia, Cameraman zy ta ama chakaochahlâh.

ISSUED BY:-
Information & Publicity Department
Mara Autonomous District Council
Siaha.