PRESS RELEASE
NO.114/2023
SIAHA, 29 Thlazoh, 2023, Hriaheinoh – Atanoh dawh 11:00AM khata Puhpa K. Chhuabei, EM (LAD) MADC ta LAD Sweepers zy raihriana lia hmâh awpa Raincoat 89 nata Gloves 80 Sweeper 80 nata Inspecting staff zy hnohta a hlâ ei. He Sweeper-zy peimawhpa chhaichhi raina programme he Pihnô S. Lalmuanpuii, Sr. LAO ta a chhihtha.
Puhpa K. Chhuabei, EM (LAD) chata, Sweeper-zy hnohta Abeipa Khazohpa nata District Council nôpawpazy khokheina vâta nietluana a-ipa hnei ei chi ta, raihria awpa ta miah latuhpazy khozie hawhta raihria awpa a châzie, a reih.
EM chata, Sweeper zy raihria he rai chynawh kawpa hawhta alâ hra sala raihria peimawh kawpa Mararâh thlalâ châ awpa ta hria ta, chi nata pho department nata râh châ raihriatuhpazy ama châzie, a reih.
“Corruption heta phusâ tâkâ dei pahly leipa ta, tao awpa tao leipa ta hlao a lapazy, daihti hmâh thai leipa ta a daihti lia tao/hria leipa nata a daihti liata Office tlô leipazy chhao he corruption ta a pahly khai. Chavâta corruption tawhta apabohsa awpa ta tiamana nata ngâchhih kawpa ta nama rai nochâ chyu hria awpa ta,” EM ta a pasyu ei.
Pihnô S. Lalmuanpuii, Sr. LAO chata, “Suhrawh-sukha Abeipa eih a châpa pahno ta, pie cheingei ta a khôlâ nama hlaozy cha nâmo nata chhôhkha châta a phahnaipa lia deita hmâh ta, hmo phahnai leipa lia sôh pahryuh thlâhthli lei awpa nata raihria kyh liata department apahniehna chaipa nama châ” tahpa ta a reih.
EM (LAD) he Puhpa Joshua Chozah, Under Secretary, LAD, MADC, Puhpa Henry PL. Hnaihly, SO nata staff zy ta he programme he amâ hmâkhei.
Source:
Information & Publicity Department
Mara Autonomous District Council
Siaha.
