SIAHA, 28 Chhiepa, 2023, Pakhynoh – Atanoh dawh 12:00 Noon khata Farmers’ Training Hall, MADC Complex, Siaha liata Sports & Youth Services Department, MADC pachhuahpanohpa Opening Ceremony of Fashion Designing Training 2023 programme liata Puhpa M. Laikaw, Chief Executive Member, Mara Autonomous District Council cha khichhai laipa (chief guest) châpa ta programme â hmâkhei ei.
Programme he Puhpa JH. Beihnai, Sports & Youth Officer, MADC ta chhihtha ta, Puhpa BM. Khaimeichho, Deputy Secretary, DP&AR, MADC ta devotion â hmâh.
Miss Evelyne Azyu ta pahnie kawpa ta hlasapa ta zawpi a palôhpahawh.
Puhpa M. Laikaw, CEM, MADC chata, “New Maraland padua awpa ta sawhkhâna vaw padua pi ta, New Maraland liata cha adona (justice) abei chai aw ta, thyutliapazy niebawtluana liata thata hmahlakhei eimâ chhuah,” tahpa a reih.
“Siaha khihpi liata “Fashion Designing Training” Sports & Youth Services Department, MADC nata Puhpa Lh. Thatha Khaimeichhô, Principal, VSE hriaparaohpa ta ama pachhuahpanohpa he aly â chhih hmeiseih,” tahpa ta CEM ta a reih.
“Martial Arts ei chu nota ei viasa ei chulâpa chinese paw cha hmotao dâh hluhpi â chuzie na chho ta, khapa vâta ma hneirôh kaw tlôh ei chi ta cha hawhta hmo hluhpi nâ chu e, tahpa ta hiahri na ta, he hawhta einâ chhy, “Alozy asihpa ta nata tizy vaw lai sala, eima olyu, hneinazy vaw rao khai, lei khai ha sala, kha hawhpa daihti lia khata, thaina eima hnei hluh khiah nietluana liata bua ma pi” tahpa ta eina chho, tahpa ta CEM ta a reih.
“Central sawhkhâ nata NIC Aizawl liata hriapazy adaoh khai ha pi ta, Computer asaipa ta achuna a y thei n’awpa ta hmah eima la ngâ kaw. Information Technology (IT) hmah pasiesa via lymâ eimâ chhuah,” tahpa ta CEM ta a reih.
“New Maraland vision hneina chôta thyutlia châta achuna lâthlôh pachâkhei lymâ ta, ama nietluana lâthlôh chhao eima pachâkhei lymâ aw,” tahpa ta CEM ta a reih.
CEM chata, “Maraland Anti Drugs Committee chhao a vaw duah ta, Mararâh khih to VCP nata a hrialâhpa zydua, NGOs nata Awnanopa zydua hriaparaohna ta paritheipa pahleipahlô awpa nata â dyuh lymâ awpa eimâ chhuah” tahpa ta a reih.
CEM chata atanoh students opening ceremony of fashion designing training programme avaw hlao theipazy tiama papua ta, hlaotlona to chyu awpa ta khokheina a hlâ ei.
Vocational School of Education Siaha he kô 2019 khata College vaih Near AOC, Siaha liata paduapa châ ta, Puhpa Lh. Thatha Khaimeichhô he Principal châ ta, faculty zy cha:-
- Miss Betheli Chozah
- Miss Ng. Beinongia
- Miss Evelyne Azyu zy ama châ.
Vocational School of Education ry liata Skill Training nanopa ama pachu theipazy:-
- Diploma In Fashion Designing
- Handloom
- IELTS
- Spoken English
- Diploma in Computer Application
- Cement Mistiri
- Beautician.
Puhpa T. Seido, EM i/c Sports & Youth Services, MADC chhaota pasyunabie pha kawpa reina a hnei.
Puhpa Lh. Thatha Khaimeichhô, Principal, VSE ta ama institution report piena nata pasyunabie pha kawpa reina hnei ta, Betheli Chozah chhaota pasyunabie pha kawpa reina a hnei hra.
Abeipa thlahchhâna reihparaohpa ta daihti pachhâsapa a châ.
With inputs from:
Information & Publicity Department
Mara Autonomous District Council
Siaha.
