SIAHA, 1 Chhiepa, 2023, Pohbiehnoh – Atanoh zâlâ dawh 2:00 PM khata Puhpa K. Chhuabei, EM i/c LAD, MADC ta a Office chhôhpadâh liata Pihnô Lalnunmawii, Addl. DC, Siaha nata ahrialâhpazy chhaota joint meeting a hneikhei ei.
Joint meeting hneina liata biepathlupa tlâhpi viapazy:
- Siaha khihpi pathaihna kyh liata hmah a sie via lymâ n’awpa pachâpa ta i (dog) control na chôchâh reipa châ ta, i (dog) ie-pazô ta khiliah a papua hleikhô ta, chyhsa châ taihta chichhih theipa a châpa vâta, khiliah ahyhmah ta papua lei awpa ta bie pathlupa a châ.
I (dog) khiliah liata a papua raruahpa cha The MADC (Animal Control & Taxation) Act 1983 sec (3)1 bie hawhta Rs. 1,000 taihta pacheisapa châ aw ta. Cha hleikhô ta, i (dog) a papua raruahpa cha The MADC (Public Health & Sanitation) Rules 2012 rule 23 sub-rule 1 of (c) nata sec 24 (4) dâh atlychakapa ta order puapa azyh leipazy i (dog) cha stray dog hawhta pachâpa châ aw ta, biehneituhpazy ta action ama vaw la daihti liata ahyhmah ta reipasipasuana hnei thei aw veih ei tahpa ta biepathlupa a châ.
- Pasaina y leipa ta zawlâkia nata mo hropa châta rairuna tlôkhei theipa O sana chhaichhi ama paso awpa châ vei. O sana chhaichhi nata hmo hropa zy paso chy awpa a khohpazy ta LAD Department, MADC, Siaha liata pasaina ama la tua awpa a châ tahpazy joint meeting liata pathlupa a châ.
Notification a pua noh tawhta azyh leipa cha dâh hawhta hrie lymâpa ama châ aw.
With inputs from:
Information & Publicity Department
Mara Autonomous District Council
Siaha.
